ملامح

30-06-2010, 06:39 AM

ياللي تطالع للسما ويجذبك فيها الصفاء
ما كل شي بحالته يبقى بشكله مرتسم
أحيان تلقى بالسما غيمه تبدد للنقاء
مثل ماتلقى للحزن درب(ن) لشخص مبتسم

30-06-2010, 06:53 AM

لو يغيب القلب عنك لاتقول القلب غاب
إعتبره شخص سافر خارج حدود المدينه
شاف غيرك والتقى به وتعلق به وذاب
بس بالآخر راجعلك لاعن الحب وسنينه

05-07-2010, 10:19 AM

ولا مره وجعني الجرح لأني منه أتعلم
ولا مره نطقت الاه بحجم ما احس انا فيها
ولكن بالقلب احساس جبرني اسكت وأتكلم
جبرني أحتجز كلمه جبرني اوصف معانيها

06-07-2010, 06:42 PM

تراه القلب ماهو بـ جيب وسهل نبدل أوضاعه
هذاك القلب نبض ودم / بدونه مانروم نعيش
ماهو بـ سهل(ن) نحط حبيب/نشيله/وسهل إرجاعه
خلقه الرب شي محفوظ ولايقدر لغزوه جيش

06-07-2010, 07:25 PM

راحوا اللي كانوا لقلبنا كل الحياه
راحوا مع أيامهم ولا عاد حي
باقيين ولكن كل منا له اتجاه
صفحات بيننا قد طواها الجرح طي

06-07-2010, 06:57 PM

الوقت مايرحم والأيام دواره
والعمر ماشي وباقي همنا ثابت
لا من ضحكنا نلاقي الضحكه غداره
تدري بقرب الحزن وسرها كابت

06-07-2010, 07:45 PM

ابكتب بـ قدر الإمكان ( سعاده ) وافتخر فيها
وبـجعلها على لساني تردد فرصتي بكره
ملوني الهم والأحزان/حياتي واخلصوا ليها
ابعلن هذي نهايتهم ولجهودهم ما انا ناكره

06-07-2010, 08:20 PM

يذبحني الشوق إذا إني تذكرته
وتذبح شوقي أفعاله وأسايرها
وأعود أشتاق وأذكر سبة خسارته
بنفسي أقيد أشواقي واقتلها
هواه بالقلب وهذا شي ما انكرته
وهو سبة القسوه وفعايلها

14-07-2010, 06:22 AM

وعدتك مايكون للبعد بيننا مخبأ ومدخال
ولكنه مكرنا البعد وصار تابع خطاوينا
وكنا نظن مانشوفه نتيجة إنه ماقد طال
ولكنه سبقنا وصار يقربنا وينادينا
يجمعنا على فرحه تحيي موكب الآمال
يجمعنا ويقربنا لجل للفرقى يعطينا

14-07-2010, 05:36 AM

ودي مشاعر مرهقه عني تولي ولاتعود
عجزت عن تفسيرها وعجزت عن تغييرها

ودي مشاعر السعاده تجلي مابيننا السدود
وتصير ارضي أرضها وأفرح أنا بتحريرها

14-07-2010, 06:39 AM

أنسى واكفكف الدمع/لكن دمعي مانساني
كل ماجفت دموعي/ حياها لي غدر الزمان
أضحك وأجامل وابتسم/لو كل مافيني يعاني
لكن بدمعي ينفضح/حزن نجح يوم مايبان

14-07-2010, 06:46 AM

أخفي شعوري يمك خوف ينفضح حالي
لكن ياكيف بخفي وقلبي تبع خطاويك
واقول ماهو صدق انه وغرامه فـ بالي
ويرد كذبي البال:-كاذب وربي شاريك

14-07-2010, 07:02 AM

وينك .. غيابك نفسه يسألك..وينك؟؟
ساعات تفوت ولا شوفنا لكِ الطاري
أقول يمكن طريقنا بعيد على عينك
أقول يمكن تباعد فيني مشواري

14-07-2010, 07:32 AM

على طاري الحوادث صار حادثه
وناتج عنها فيني إصطدام
سكوتي عنها يا ناس كارثه
وعاجزه لوصفها بأي كلام ^_^

14-07-2010, 08:04 AM

الغياب مُرَه محى حلو الوصال
وتكراره جنى على حلو المشاعر
والهوى قد ينتهي لو هو طال
واللقا يفنيه سلوكنا لدرب واعر

البحث
التصنيفات
- التصنيف العام [4]
- أشعاري [19]
آخر التدوينات
التقويم

« يناير 2012 »

إث ث أر خ ج س أح

1

2 3 4 5 6 7 8

9 10 11 12 13 14 15

16 17 18 19 20 21 22

23 24 25 26 27 28 29

30 31